| 大家, 我好耐都冇update喇! 因為太懶,同埋好難兼顧兩個blog呀!所以如果你想知道晉晉的近況, 就去呢度: http://hk.myblog.yahoo.com/iam-jonathan 團契的近況就去返Xanga的 jonathan_ppec度睇啦! |
| |
| 8月26日，晉晉正日生日。我地係屋企樓下會所開左個生日會俾佢。多謝晒大家賞面出席。特別鳴謝一班約拿單團弟兄姊妹幫手，希望大家同晉晉一樣都過左好開心的一晚！ 承蒙兩位美少男幫忙去攞蛋糕，佢地好早就來到，所以係我地屋企影左呢張獨家相，同時佢地亦都幫忙做左幾次運送物資到會所。 
一班團仔友同我地一家影左張合照，連稀客Matthew都有來，認真俾面。 
佩珊姐姐捉住晉晉影相。
 曾幾何時，當阿B同浩全仲係做緊少主導師時，佢地曾經同班少年有一張好可愛的合照。今日佢地個個都好高大，唯獨是偉文因為返工來唔倒，三缺一都影住先啦！ 
|
| |
| 大家，暑假最好就係開大食會啦！想邀請大家8月26日來一齊食餐勁，同埋順便幫晉晉慶祝生日。我諗佢會好鍾意見倒大家！如果你睇倒呢個Xanga即係你係邀請之列啦！ 日期：2007年8月26日(星期日) 時間：5-9pm 地點：浩景台五座會所 (即係我地屋企樓下) 到時見! |
| |
| 7月17日同埋7月20日都係同Houston人聚舊，因為Stephen 同Avis返左來，所以大家有機會一聚，勁吹水，超搞笑！ 我懶，所以將D相擺左係呢度，因為唔使再resize嘛！   
|
| |
| 12/7係浩全生日，我地講好左14號禮拜六再食飯慶祝，因為weekend時間鬆動。問過朋友，介紹我地去左間叫嘉仙奴的餐廳，係響屯門蟠龍半島的。餐廳環境唔錯，坐得幾舒，我地坐左卡位望倒出面，叫左兩個餐，我食豬肋排，浩全食火焰牛扒，有個叔叔係前面開爐煮俾佢架！好認真！食完仲可以食佢個salad bar同埋甜品，因為浩全生日，所以佢地仲送左個蛋糕俾我地，幾好味！我地都幾滿意間餐廳，有機會會再去。 
   
|
| |
